TIPOS DE EMPRESAS

A nosa empresa ten que ser de resposabilidade limitada, con tres socios e un capital social de entre 3.000 euros e 59.999 euros. Así que unha das opcións que teño é:

Tipo de empresa	nºsocios	Capital	Responsabilidade
Sociedade de responsabilidade limitada	min.1	Min.3.000 euros	Limitada ao capital aportado na sociedade

NORMATIVA

- Real Decreto Lexislativo 1/2010 polo que se aproba o texto refundido da Lei de Sociedades de Capital. - Real Decreto 421/2015, do 29 de maio, polo que se regulan os modelos de estatutos-tipo e de escritura pública estandarizados das sociedades de responsabilidade limitada, apróbase modelo de estatutos-tipo, regúlase a Axenda Electrónica Notarial e a Bolsa de denominacións sociais con reserva. - Orde JUS/1840/2015, pola que se aproba o modelo de escritura pública en formato estandarizado e campos codificados das sociedades de responsabilidade limitada, así como a relación de actividades que poden formar parte do obxecto social. - Real Decreto-lei 13/2010, de actuacións no ámbito fiscal, laboral e liberalizadoras para fomentar o investimento e a creación de emprego. Lei 14/2013 de apoio aos emprendedores e a súa internacionalización.

CARACTERÍSTICAS

- É unha sociedade de capital, calquera que sexa a natureza do seu obxecto, con carácter mercantil e personalidade xurídica propia.

- Dúas formas de constitución: telemática e presencial.

Denominación social:

Libre, debendo figurar necesariamente a indicación 'Sociedade de Responsabilidade Limitada', 'Sociedade Limitada' ou as súas abreviaturas ' S. R. L.' ou ' S. L.'

- A denominación social deberá obterse a través do Rexistro Mercantil; non se poderá adoptar unha denominación idéntica á dunha sociedade xa existente.

Teñen que levar un Libro de inventarios e Contas anuais, un Diario (rexistro diario das operacións) e un Libro de actas que recollerá todos os acordos tomados polas Xuntas Xerais e Especiais e os demais órganos colexiados da sociedade.

- Tamén levará un Libro rexistro de socios, no que se farán constar a titularidade orixinaria e as transmisións das participacións sociais.